دمعالجوي طب پوهنځی

د معالجوي طب پوهنځي  لرلید (Vision)

د معالجوي طب پوهنځی به په راتلونکي کې په ملي کچه د یو با اعتباره، تحصیلي، علمي او څیړنیز بنسټ په توګه مطرح وي.

د معالجوي طب پوهنځي رسالت (Mission)

د معالجوي طب پوهنځی د باکیفیته طبي لوړو زده کړو، علمي څیړنو او د مسلکي مهارتونو د ترسره کولو لپاره داسې زمینه برابره وي، چې پایله یې د ټولنې لپاره د مسلکي او کارپوهه کادرونو روزنه ده.

د معالجوي طب پوهنځي  ارزښتونه (Values)

• با کيفيته او معاصرې لوړې زده کړې
• د ملی يووالي ټينګښت
• اخلاق او کرامت
• انډولتیا
• سالمه اداره ،اغېزمنتوب، ګټورتوب
• اکاډميکه ازادي
• شفافیت او حساب ورکونه
• هڅه، خلاقیت او ابتکار

د معالجوي طب پوهنځي موخې (Goals)

1. په پوهنځي کي مثبت بدلون راوستل، چې د مديريت، استادانو او کارمندانو نقش په واضح ډول معلوم وي، او اداري جوړښت يي د همکارۍ او همغږۍ په چاپيريال کې فعاليت وکړي.
2. د ښه کيفيت او اړوندو اکاډميکو پروګرامونو وړاندې کول، چې ملي او سيمه ييزو اړتياوو ته ځواب ويونکي وي او د نړيوالې سيالۍوړتيا ولري.
3. د وړتيا پر بنسټ د مکافاتو د يوه  راڼه اکاډميک  سیسټم رامنځته کول، چې د هغې پرمټ به تدريسي، څېړنيزې چارې او نور خدمات ارزول کيږي.
4. د يوه داسې علمي چاپيريال رامنځته کول، چې په هغه کې به ازاد بحث ،پوښتنې او رغنده نېوکې د پوهنځي د لوړو نورمونو څخه شميرل کيږي.
5. د مسؤولو، روښان فکرو او ژمنو هېوادوالو په روزلو کې ونډه اخيستنه، چې د ښې وړتيا لرونکي وي ، ټولګټو او متقابل احترام ته ژمن  وي.
6. په تدريسي او زده کړه ييزو چارو کې د کيفيت ډاډمن کول، چې تعليمي نصاب يې ملي او سيمه ييزو غوښتنو ته ځواب ويونکى دى.
7. د لوړو زده کړو، د لنډې مودې کورسونو او د متقابلو ليدنو له لاري علمي کادرونو او د پوهنځي ادارې کارمندانو ته وده ورکول  او په پوهنځي کې د دوامدارو زده کړو د کلتور را ژوندي کول او رواجول.
8. په پوهنځي کې د څيړنو د کلتور رامنځته کول، چې داسې اړوندې او  هدفمندې څېړنې په کار واچول شي چي د هيواد بې شمېره مشکلاتو او ننګونو په حل کې مرسته وکړي.
9. د نړېوالو، سيمه ايزو او ملي پوهنتونونو سره د همکارۍ رامنځته کول.
10. د دوکتورا استادانو د فعلي شمیر دوه چنده کول او د علمي کادرونو د ظرفیتونو لوړول.
11. د لوړو زده وزارت څخه په ملي کچه اعتبار تر لاسه کول.